Təfsir edib müqəddəs olan qanı, ərbəin,
Yaydı cəhanə ətri-şəhidanı, ərbəin.

Qurtardı çün İmami Zamanın şəhadəti,
Çəkdi Yezid nəqşə, o şeytanın ümməti,
Ta Kərbəlada dəfn edə həqqo-həqiqəti,
Batil edib o nəqşeyi-şeytanı, ərbəin.

Ol ki, salıb səmayə sədasın şəhadətin,
İsbat edib cəhana Hüseynin vilayətin
Ya ki salıbdı canına lərzə cinayətin
Mənası ruhi-həqqidi ünvanı, ərbəin

Ayrıldı şəhri-Şamidən əşrafi-həqşünas
Başlandı ta Mədinədə məzlum Hüseynə yas
Zəhra də gəldi eylədi Zeynəbdən iltimas
Doldurdu va-Hüseynilə dünyanı, ərbəin.

Kərbubəlada bir gözəl aləm yaratdı eşq,
Ol aləm içrə dağ kimi matəm yaratdı eşq,
Matəm içində cənnəti-əzəm yaratdı eşq,
Çəkdi üzə o cənnəti-əlanı ərbəin.

Saldı səmayə bərqini tiğe-ədalətin,
Göstərdi əhli-aləmə zülmün nəhayətin,
Tarixə səbt qıldı Hüseynin şücaətin,
Şərh etdi xəlqə qüdrəti-Quranı, ərbəin.

Aydınladı cəmali-həqi misle afitab,
Bəlləndi Kərbəladə nədən qopmuş inqilab,
Bir cilvə saldı Seyyidin əş’arı oldu nab,
Etdi onun kəlamını nurani, ərbəin.

Ocaq Nejat

Kerbela.info