Məktəbdir əhli-hikməto irfanə Kərbəla,
Ülvi şərəf bağışlayar insanə Kərbəla.

Həm gülşəni-şəriətə qanilə verdi su,
Həm tazə can bağışladı Qur’anə Kərbəla.

Gərçi sığıbdı türbəti, ərzi İraqidə,
Sığmaz şərəfdə aləmi-imkanə Kərbəla.

Bəsdir bu mərtəbət ki, qucağında yer verib,
Yetmiş iki şəhidi-ləb ətşanə Kərbəla.

Ta dini-həqqi eyliyə tufanidan xilas,
Saldı zəmanə Nuhunu tufanə Kərbəla.

Yığdı göyün mələklərini bir çuxur yerə,
Qurdu o yerdə məclisi-cananə Kərbəla.

Həm ağladıb məqami-rəfiyi-nübuvvəti,
Həm gətirdi ruhi-Seyyidi əfğanə Kərbəla.

Ocaq Necat

Kerbela.info