Eşq olmasa, ölməzdi Həbib ibni Məzahir

21 Noyabr 2024 - 21

Eşq olmasa, ölməzdi Həbib ibni Məzahir

08.07.2021

Eşq olmasa, aşiq kimi bir ad ola bilməz,

Eşq olmasa aləmdə könül şad ola bilməz.

Eşq olmasa, yerdən göyə qalxmazdı dualar,

Eşq olmasa, göydən yerə imdad ola bilməz.

Eşq olmasa merac edə bilməzdi peyğəmbər,

Eşq olmasa bu möcüzə icad ola bilməz.

Eşq olmasa məddahlar ötməzdi Əlidən,

Eşq olmasa Cəbrailə ustad ola bilməz.

Eşq olmasa, gəlməzdi bu dünyaya imamlar,

Eşq olmasa, Zeynəb kimi övlad ola bilməz.

Eşq olmasa, qan axmaz idi Kərbubəladə,

Eşq olmasa, zülmün evi bərbad ola bilməz.

Eşq olmasa, ölməzdi Həbib ibni Məzahir,

Eşq olmasa, Hürr küfrdən azad ola bilməz.

Eşq olmasa dildən-dilə düşməzdi məhəbbət,

Eşq olmasa iman evi abad ola bilməz.

Eşq olmasa, bir kəlmə də söz umma Həsəndən,

Eşq olmasa, sözdə bu qədər dad ola bilməz.

Şair Həsən

Hüseyn məzhəbi qeyrətlə, şərəf simvoludur

Hüseyncan mən yoruldum, gəl ağa oxlandı gözlər

Mən Əlinin qızıyam, qorxu nədir bilməmişəm

Səslərəm Kərbubəla

Mən Hüseyn eşqinə bel bağlamışam

Həzrəti Fatimənin naləsidir şah Hüseyn

Kerbela.İnfo

Aylıq