Ağla, ey olan dəhrdə heyranı Hüseynin,
Aşura yetib, başlayır hicranı Hüseynin.

Az sonra nə Əkbər qalacaqdır, nə Əbəlfəz,
Can tapşıracaq Əsğəri-nalanı Hüseynin.

Çün, eyləməz övladi-Əli zalimə bey'ət,
Qətl olmağa amadədi karvanı Hüseynin.

Allah üçün, ey Ruhül-əmin, balü pərin çək,
Görsün necə can vermədə cananı Hüseynin.

Ey söyləyən heç vaxt ki, səhradə gül olmaz,
Gör bir necə güllər bitirir qanı Hüseynin.

Rahi, yaşayıb əsri-səadətdə oleydim,
Əsləm kimi ey kaş ki, qurbanı Hüseynin.

Vüqar Rahi