Ey aşiqi-həq, vəslə amadə, Hüseynim vay!
Ey təşnə verən canın səhradə, Hüseynim vay!

Möminlər üçün mövla, Zəhra gözünün nuri,
Ey ibni-Şəhi-Mərdan, şahzadə Hüseynim vay!

Şövq ilə verib canın, vəsl içrə tapan rahət,
Ey cövr çəkən zalım dünyadə, Hüseynim vay!

Hər gün bizə Aşura, həm Kərbübəla hər yer,
Eşqinlə gələr aşiq fəryadə: "Hüseynim vay!"

Miskin, qara bir quldur, Xaqan sənə sadiqdir,
Həm dəhrdə şahım, həm üqbadə, Hüseynim vay!

Elşad Xaqan