Hüseyn ibni əli! Ya Rəbb,bu ad qəlbimdə məskundur.
Gözəllər vadisindən bir gözəl vardır ki,məhzundur.

Mənim Rəbbim bir - Allahdır ki,Ondan qeyri yox Məbud,
Rizası Kərbaladan keçmək olsa bəndə məmnundur.

Hüseyni sevməmək olmaz,Hüseyn eşqə verib məna,
Bütün yer-göy olub heyran ona saiqdi, məftundur.

Həqiqətdə Hüseyn kimdir,həqiqətdə Yəzid kimdir
Hüseyn məzlum,şəhid,rəhbər,Yəzid zalimdi,məlundur!

Görənlər nəşin üstündə o zalimlik edən qövmü
Düşünmüş onlar haqında bəşər yox, qarğa-quzğundur.

Hüseynə ağlayan gözlər bəla görməz Qiyamətdə,
Əzəl gündən də əvvəldən olub təyin, bu qanundur.

Sənə üstün demək olmur,sən üstünlükdən üstünsən,
Sənin Səninlə-acizdir, məgər üstünlük uyğundur.

Şahin Qurbanov